Kurtlar Vadisi Blog!

Почина Лери Стивенсон,

кумот на скејт културата

Лери Стивенсон, творецот на скејтборд и човекот што овој спорт од детска игра ја направи спортска дисциплина, почина на 81 година во Санта Моника. Стивенсон, како што денеска јавија медиумите, почина во саботата, по долго боледување од Паркинсоновата болест.

Тој беше иноватор и дизајнер кој ги разви сите главни карактеристики на скејтбордот и бизнисмен кој прв почна да произведува скејтови, како професионални, така и за масовна употреба.

За многумина неговото најголемо достигнување е што успеа да ја убеди публиката да го прифати скејтбордот како пандан на сурфањето.

- Слободата за јавање на брановите сакаше да ја пренесе на земјата. Тој е кум на скејт култура. Пред него скејтбордот беа детска играчка, изјави историчарот на скејтбордингот Мајкл Брук.

Стивенсон во 1959 година работеше како спасувач на плажата Венис, каде видел дека децата се возат на даска со метални тркалца. Пред што почнал да ги произведува скејтбордовите во својата гаража, го промовираше спортот во магазините и приказните. До 1965 година Стивенсон продал скејтбордови во вредност од четири милиони долари.

Во 1969 година задниот дел на скејтбордот се закривува нагоре, што денеска се користи во секој трик со даската.